«Яз һәм сафлык билгесе – мимозалар»: иҗади остаханә (6+)

19 март көнне 8 нче санлы балалар китапханәсендә «Китап сөюче дусларыбыз» ял көне клубы әгъзаларының чираттагы очрашуы үтте.
Балаларның кул эше белән шөгыльләнүе — ул бик яхшы ял итү чарасы, шулай ук кечкенә кеше өчен һәр яклап үсеш алу мөмкинлеге дә.

Мастер-класста китапханәче җитәкчелегендә балалар салфеткалар, төсле кәгазьләр һәм башка төрле материаллардан кул эшләнмәсе ясады. Алар үзләренең кабатланмас һәм кызыклы «шедевр»ларын тудырды. Язгы мимоза ботакчыгы кухня, сервант яки чәй өстәленә ямь биреп торучы бизәк, шулай ук төрле бәйрәмнәргә универсаль бүләк була ала, дусларны һәм туганнарны куандыра. 
Балалар иҗат дөньясына кереп чумды һәм үз эшләреннән ләззәт алды.